"Сал ауруының емі бар" дейді Сәкен Темірқұлов

Ал қызылордалық Сәкен Темірқұлов бұл дерттің емін тапқан секілді. Облыс орта­лығынан мүмкіндігі шектеулі жандарға арналған «Қанат» спорттық сауықтыру кешенін ашқан оның емінен кейін екі аяғын тең басып жүріп кет­кендер баршылық. Кезекте тұрғандардардың да барын құлағымыз шалды. Сәкен аға­ның сал ауруын емдеу жолын тереңірек зерттеуіне өз басы­нан өткен оқиға түрткі болған. Тұңғышы Қанат сал боп туы­лып, жеті жасында дүниеден озады. Жеті жылғы үмітін бір-ақ күнде перзентімен қоса жұтқан сол қаралы күннен кейін Сәкен сал ауруымен кү­ре­суге бел буған еді. Арманы – емі жоқ дертті жеңіп, қаралы күннің қасірет бұлтын сейілту. Медициналық білімі жәрдем болып, дегеніне де жетті. Ерен еңбек пен тәжірибенің арқа­сын­да бүгінде сал ауруын ғана емес, ауыр жарақаттан жүре алмай қалғандарға да көмек қолын созып келеді. Сәкен аға ойлап тапқан тірек-қимыл ап­па­раттары қарапайым темірден жасалған және ондай үлгілер әлемде жоқ көрінеді. Бүгінде дәрігердің қолынан шыққан аппараттардың оннан бірі ғана іске қосылған. Барлығын іске қосу үшін қосымша қаржы мен уақыт керек. Қазіргі таңда клиникалық орталықта отыз бала ем алуда, ал 300-ге жуығы кезегін күтіп жүр. Себебі ғима­рат іші тар әрі қаржы мәселесі толықтай шешімін таппаған. Сәкен аға әрбір ем алушыны ерекше ықыласпен қабыл­дай­ды. Бірі орнынан қозғалып, енді бірі аяғынан тік тұрса, жүзіне күлкі үйіріліп, көзін­дегі үміт оты нұрлана түседі.

- Мен ДЦП-ға шалдыққан, түрлі жарақаттан кейін жүріп-тұруы мүмкін болмай қалған жандарды, тіпті дауасы жоқ делініп жүрген неопатияны да емдедім. Қазір орталықта өзім жасаған 30 шақты тренажер­лық жабдық бар. Сырттай қа­расаң, олардың басқа жаттығу жабдықтарынан бәлендей айыр­машылығы жоқ сияқты. Бірақ мәселе – оның қандай әдіспен жасалғанында. Ол бұл­шық еттің, жүйке талшық­тарының, керек десеңіз, әрбір тіннің жұмыс істеп, тірілуіне көмектеседі. Шамамен жасы үштен асқан, ақыл-есі дұрыс адамдарды емдеу мүмкіндігі жоғары. Себебі неғұрлым ерте­рек емделсе, ем соғұрлым жақ­сы қонады. Кейін қайтадан мүгедек болып қалмайды. Ем­деу курсы екі айға созылады, бағасы – 250 мың теңге. Емделу құны қымбат екенін білемін. Бірақ ғимаратты күтіп-ұстауға да көп шығын кетеді, - дейді Сәкен Темірқұлов.

Орталыққа келіп, маман­ның шапағатын көргендердің алғысында шек жоқ.

- Неопотия дертіне шалдық­қан болатынмын. Бұл – емі жоқ әрі сирек кездесетін ауру түрі. Адамның жүрегі тоқта­ғанша еті күннен-күнге тар­тыла береді. Ауруханаға кел­генде салмағым 29 келі болды, бір жыл ауруханада емделу нәтижесінде салмағым 49 ке­ліге жетті. Толықтай айығып кетпесем де басымды тіктеп отыра аламын. Бұрыннан ұялы телефон жөндеуді армандай­тынмын, қазір сүйікті ісіммен айналысып жүрмін. Сәкен дә­рі­герге алғысым шексіз, - дейді емделуші Берік Тұрлыбаев.

Он бес жылдан астам уақыт ішінде 170 баланы аяғынан тұрғызған дәрігерге «зәулім сарай салып береміз» дегендер болған. Тіпті, Мәскеудің мық­ты дәрігерлерінің өзі көмекке дайын екенін жеткізіпті. Бірақ Сәкен аға туған жерін тастап кетпек емес. Оның арманы – 2017 жылы Қазақстанда өтетін ЭКСПО-2017 көрмесінде қазақ дәрігерлерінің реабилитация саласында үлкен нәтижеге қол жеткізгенін бүкіл әлемге паш ету.