Жаяу жүргіншілерге жол бермеген жүргізушілер жазаланды

Қызылорда облыстық ішкі істер департаменті баспасөз қызметінің хабарлауынша, рейд барысында ҚР ӘҚБтК-нің 600-бабы бойынша жаяу жүргiншiлердің немесе жол жүрiсiнiң өзге де қатысушыларының жүруiне басымдық бермегені үшін 7 жүргізушіге қатысты әкімшілік хаттама толтырылып, айыппұл салынды. Мәселен, кешкі сағат 19:30-да қала орталығындағы Қазыбек би–Қазантаев көшелерінің қиылысында жаяу жүргіншіге жол бермегені үшін «Газель» маркалы қоғамдық автокөлігі тоқтатылды. Газельдің жүргізушісіне ҚР ӘҚБтК-нің 600-бабына сәйкес әкімшілік хаттама толтырылып, алдағы уақытта жол қозғалысы ережелерін сақтап, жол қозғалысына қатысушыларын сыйлау керектігі жөнінде  түсіндірме жұмыстары жүргізілді.

Ал, дәл осы күні сағат 20:31-де Қазыбек би–Қазантаев көшелерінің қиылысында «Фольксваген Пассат» маркалы автокөлігі жаяу жүргіншіге жол бермегені үшін тоқтатылып, жүргізушісіне қатысты ҚР ӘҚБтК-нің 600-бабы бойынша әкімшілік хаттама толтырылды.