» » БАЙҚОҢЫР 2016 ЖЫЛҒЫ АЛҒАШҚЫ ҰШЫРЫЛЫМҒА ДАЙЫН

БАЙҚОҢЫР 2016 ЖЫЛҒЫ АЛҒАШҚЫ ҰШЫРЫЛЫМҒА ДАЙЫН

Айдар: Қоғам, Сонғы жаңалықтар
БАЙҚОҢЫР 2016 ЖЫЛҒЫ АЛҒАШҚЫ ҰШЫРЫЛЫМҒА ДАЙЫНБайқоңыр ғарыш айлағында 2016 жылы ғарышқа бірінші ұшыруға дайындық жұмыстары аяқталып жатыр.
М.В.Хруничев атындағы мемлекеттік ғарыштық ғылыми-өндірістік орталығы (МҒҒӨО) баспасөз қызметінің ақпаратынша, бүгін таңертең Eutelsat-9B ғарыш аппараты (ҒА) бар «Протон-М» ғарыштық зымыран (ҒЗ) монтаждау-сынақ корпусынан шығарылып, Байқоңыр ғарыш айлағының 200-ші алаңының старттық кешеніне жеткізілді.
ҒЗ-ды тік қалпына орнатудан кейін, Роскосмос кәсіпорындарының мамандары бірінші старт күнінің кестесі бойынша жұмыстарға кірісті. Eutelsat-9B ғарыш аппараты (ҒА) бар «Протон-М» ғарыштық зымыранды ұшыру 2016 жылдың 30 қаңтарына, Астана уақытымен сағат 04:20-ға жоспарланған. Ұшыру Байқоңыр ғарыш айлағының 200-ші алаңынан жүзеге асырылады.
Бұл ұшыру арқылы Роскосмос 2016 жылы Байқоңырдан ұшырулар бағдарламасын ашпақ.