Байқоңырда Қармақшы ауданы еңбеккерлерінің ауылшаруашылық өнімдерінің жәрмеңкесі өтті.
Жәрмеңкеде жалпы құны 13 млн. теңгені құрайтын 115 тонна ауылшаруашылық өнімдері сатылды. Соның ішінде 1 тонна сиыр-қой еті, 3 тонна балық, 30 тонна күріш, 10 тонна картоп, 30 тонна көкөніс, 2,5 тонна жеміс-жидек, 30 тонна қауын-қарбыз, т.б барлығы 17 түрлі ауылшаруашылық өнімдері ұсынылды. Айта кетейік, қала тұрғындарына өнімдер 10-15% төмен бағада ұсынылған жәрмеңке, Ел Тәуелсіздігінің 25 жылдығы құрметіне және Байқоңыр қаласы күні мерекесіне орай ұйымдастырылды.