» » ОРТАЛЫҚ АЛАҢДА МЕРЕКЕЛІК ГАЛА-КОНЦЕРТ ӨТТІ

ОРТАЛЫҚ АЛАҢДА МЕРЕКЕЛІК ГАЛА-КОНЦЕРТ ӨТТІ

Айдар: Қоғам / Сонғы жаңалықтар

Н.Бекежанов атындағы драма театрында өткен салтанатты шарада ҚР Мемлекеттік хатшысы Г.Әбдіқалықова Сыр жұртшылығын мерейтоймен құттықтап, Мемлекет басшысы Н.Ә.Назарбаевтың Қызылорданың 200 жылдығына орай жолдаған құттықтауын жеткізді.
Облыс әкімі Қ.Көшербаев аймақтың әлеуметтік-экономикалық дамуы туралы баяндады.
Салтанатты шарада ҚР Мемлекеттік хатшысы Гүлшара Әбдіқалықова, Ақтөбе облысының әкімі Бердібек Сапарбаев, мемлекет және қоғам қайраткері Виталий Брынкин, ҰҒА академигі Асқар Жұмаділдаев, ақын, Мемлекеттік премия лауреаты Иранбек Оразбаев және ҚР Елтаңбасының авторы, «Құрмет» орденінің кавалері Жандарбек Мәлібеков Қызылорда қаласының 200 жылдығы мерейтойлық медалімен марапатталды.
Орталық алаңда Қайрат Нұртас, Төреғали Төрәлі, Мадина Сәдуақасова, Серік Ибрагимов т.б қазақ эстрадасы жұлдыздарының қатысуымен өткен гала-концерт ұйымдастырылды.
Ертең, 29 қыркүйек күні аудандардың ауылшаруашылық өнімдері жәрмеңкесі, ат спортының сайыстары мен қазақша күрестен түрнир өтеді. Қала күніне орай қайырымдылық акциялары, концерттер мен басқа да мәдени-көпшілік шаралар ұйымдастырылады.