Сыр өңірінің бас қаласы - Қызылордада жылу жүйелерін жөндеу және қайта жаңғырту бағытында ауқымды істер атқарылды.
Атап айтқанда, 2013 жылы республикалық және облыстық бюджеттерден бөлінген 554,5 млн. теңгеге ұзындығы 3,6 шақырымды құрайтын магистральды жылу трассалары мен желілері жөнделді. Сонымен қатар, «ҚЖЭО» МКК-нің өз қаражаты есебінен 2,8 шақырым жылу құбырлары ауыстырылды, 2014 жылы облыстық бюджеттен бөлінген 328,1 млн. теңгеге «ҚЖЭО» МКК-нің қазандық цехының 2 дана қазандықтары, 4 дана қазан агрегаттары, магистралды жылу жүйелері қайта жаңғыртылды. Ал 2015 жылы
қаладағы магистральды және квартал аралық жылу жүйелерін қайта жаңғыртуға ҚР Ұлттық қорынан – 3 млрд. 039,7 млн. теңге, облыстық бюджеттен - 123,5 млн. теңге, қалалық бюджеттен 5,8 млн. теңге бөлініп, барлығы 12 км магистральды және квартал аралық жылу жүйелері және «ҚОЖО» МКК қазандық цехындағы 3 дана SG-2000/15n маркалы бу қазандарының жүйелік су қыздырғыштары қайта жаңғыртылуда.