» » Шиеліде көкөніс дүкені өртке оранды

Шиеліде көкөніс дүкені өртке оранды

Айдар: Қоғам / Сонғы жаңалықтар
Шиелі ауданындағы орталық базарда орналасқан көкөніс дүкені өртенді.
Аталмыш оқиға 27 ақпанда 22.12 шамасында орын алды. Аумағы 450 шаршы метр болатын дүкенде өрт шыққан. Оқиға орнына Шиелі аудандық төтенше жағдайлар бөлімі жедел жетіп, барлау жұмыстарын жүргізді.
«Нәтижесінде аумағы 450 шаршы метр болатын дүкен толықтай қызыл жалынға оранып жанып жатқаны анықталды. Өртті оқшаулауға өрт сөндіру қызметінен 30 қызметкер және 4 бірлік автокөлік жұмылдырылды. Өрт сөндірушілердің біріккен іс-қимылының арқасында тілсіз жау оқшауланды. Зардап шеккендер жоқ. Өрттің шығу себебі мен шығыны анықталу үстінде», - деп мәлім етті Қызылорда облыстық Төтенше жағдайлар департаменті өрт сөндіру және апаттық-құтқару жұмыстары қызметі.