Еліміздегі үдемелі индустриалдық-инновациялық даму бағдарламасы Сыр елі экономикасының қарқынды дамуына серпін берді. Осы бағдарлама аясында соңғы 6 жылда облыста жаңадан 20 өнеркәсіп орны ашылды. Бұл туралы облыстың индустриалдық-инновациялық даму басқармасының басшысы Ринат Сұлтангереев мәлімдеді.
- Әлемдегі ең ірі қорғасын-мырыш кен орындарының бірі «Шалқияның» жұмысы жанданып келеді. 2017 жылы аймақта Қазақстандағы алғашқы шыны зауыты іске қосылады. Металлургиялық өнеркәсіп дамуда, зауыт келешекте облыс экономикасының тірегіне айналмақ. Дәстүрлі күріш өсіруші аймақ бүгінде төмен аллюминдік ферросилиция өндіру бойынша жаңа технологияларды патенттеуде,- деді Сұлтангереев.