Жақында Үндістанның астанасы – Дели қаласында 12 мемлекет қатысқан велотректен Азия кубогы аяқталды. Аталмыш бәсекеде Қазақстан құрама командасы сапында өнер көрсеткен жерлесіміз Роберт Гайнеев 4 шақырымдық командалық жарыста сынға түсіп, екінші орынды еншіледі.
Ол бұған дейін тректен Азия чемпионы (Индонезия 2012 ж.) атанса, шосседен жекелей жарыста Азия чемпионатының (Малайзия, Куала-Лумпур 2012 ж.) және тректен жастар арасында Әлем чемпионатының (Жаңа Зеландия, Инверкаргилле 2012 ж.) қола жүлдесін иеленді
Облыстық жоғары спорт шеберлігі мектебінде тәлім алатын Робертті жарысқа Руслан Ягафаров дайындады.