Тәуелсіздік мерекесіне орай Шиелі ауданында ұйымдастырылған қазақ күресінен республикалық турнир өз мәресіне жетті.
Екі күнге созылған турнир барысында 8 салмақ дәрежесі бойынша жеңімпаздар бағалы сыйлықтармен марапатталды. Сонымен қатар, ересектер арасында ұйымдастырылған «Түйе палуандар» сайысында бас бәйгені жеңіп алған Мақсат Исағабыловқа жеңіл автокөліктің кілті табысталды. Екінші орынды Руслан Әбдіразақов иеленсе, Нұрым Сәлімгереев үшінші орынды еншіледі.