Қызылордада мәслихаттың 20 жылдығы аталып өтті

Мәслихаттың құрылғанына 20 жыл толуына байланысты салтанатты жиын өтті. Оған облыстық және аудандық мәслихат депутаттары, хатшылары, аудан басшылары қатысты.
– Халықтың таңдауы болу – қиын да, жауапты қызмет. Өңірдің қоғамдық-саяси, экономикалық және әлеуметтік саласының өсіп-өркендеуіне елеулі үлес қосып жүрген еңбектеріңізге жеміс тілеймін,- деді облыс әкімі Қырымбек Көшербаев өз құттықтауында.
Сонымен қатар өңір басшысы Парламент Сенатының жаңадан сайланған депутаты Бекмырза Еламановтың жұмысына сәттілік тіледі. Бекмырза Қайыпұлы, өз кезегінде өзіне сенім білдірген депутаттарға алғысын білдіріп, жүктелген сенімді ақтауға уәде етті.
Жиын соңында жергілікті мәслихаттың бірқатар депутаттары «Мәслихаттың 20 жылдығы» мерейтойлық медалімен марапатталды.