Экономика
Қоғам
Әлем
0
"Коронавирус наурызда кетеді": Қазақстандық экстрасенс жаңа жылға болжам жасады
Қазақстандық экстрасенс Қажет Ахметжанова коронавирустан құтылатын уақытты айтып берді, деп хабарлайды Stan.kz ақпарат агенттігі "Астана" арнасына сілтеме жасап.
Қажет Ахметжанова коронавирустан құтылатын уақытты болжады.
"Ол осы наурызда кетеді, коронавирус. Бірақ та коронавирустың тағы бір формасы келейін деп тұр. Одан құтылғаннан кейін тағы да бір формасы келеді. 2023 жылға дейін 3 формасымен ауырады адамдар", - деді экстрасенс Қажет Ахметжанова.
Экстрасенс Алматы қаласының атқамінерлеріне үндеу жасады. Өйткені 2021 жылы судан қауіп бар екен.
"Таудан да қауіп бар. Жер сілкінісі де болуы мүмкін. Су қоймасы күрделі жөндеуді қажет етеді, қауіпті. Сол үшін алдын алу қажет", - деді Қажет Ахметжанова.
Бұдан басқа, оның айтуынша, 2021 жыл алдына мақсат қойған жандардың жолы болатын жыл екен. Ерекше дарынды балалар өмірге келеді деп отыр.
"Сиыр" жылы - елдің жаһандануына ең оңтайлы кезең болады. Бұл - нумеролог Құралай Бақытқызының болжамы.
Сандардың сырын ашқан нумеролог алдағы жылы да медицина қызметкерлері мен әскерилерге артылған жүк азаймайтынын жеткізді. Дегенмен 2020-шы жылдағыдай қиындықтар болмайды-мыс. Жыл диханшыларға, бизнес бастағандарға қолайлы болмақ.
"Осы жыл ауыл шаруашылығын дамытып, халықтың экономикалық жағдайын жақсартуға жақсы мүмкіндік бар. Адам жоқтан барды жасап, өзін дамытып бір кәсіпті игеріп алдыға шағын бизнес ашады ма? Жалпы, өзін дамытып, бағалап, өсетін жыл", - деді нумеролог Құралай Бақытқызы.
Құралай Бақытқызы сиыр жылы да - металл болғандықтан, алдағы 6 ай қиындық тудыруы ықтимал екенін айтты. Сондықтан, адамдарға жолға шыққанда сақ болуға кеңес береді.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
