ҚАРМАҚШЫҒА ОҢТҮСТІК КОРЕЯДАН ДӘРІГЕРЛЕР КЕЛДІ

Дәрігерлік қызмет көрсету барысында ауыл тұрғындары отбасылық дәрігерлер мен сирек кездесетін білікті мамандардың қабылдауында болды. Құрамында хирургия, терапия, стоматалогия, оториноларингология, офтальмология, гинекология, және косметологтар тобы мен барлығы 35 маман ауыл тұрғындарына сапалы қызмет көрсетіп, көптеген дәрі-дәрмек пен дәрумендерді тегін таратты. Сондай ақ, «ІІІ Интернационал» ауылының негізін қалаған, Социалистік Еңбек Ері Цай Ден Хактың ескерткішіне гүл шоқтарын қойып, Еңбек Ері атындағы мұражай жұмысымен танысты. Енді корейлік дәрігерлер тобының сапары Қызылорда қаласында жалғасын таппақ. Айта кетейік, бұған дейін де Яң Хан Мо бастаған топ 2014 жылы Қызылорда қаласында этникалық кәріс өкілдерінен бастап, басқа да қала тұрғындарына тегін медициналық қызмет көрсеткен болатын.