ТАЛСУАТТА ТҰРҒЫНДАР ЖҰМЫСПЕН ҚАМТЫЛҒАН

Талсуатта былтыр атқарылған жұмыстар аз емес. Бұл жөнінде ауылдық округ әкімі Т.Мұсабаев баяндап берді. Округ аумағында 1980 адам тұрады. Еңбекке қабілетті жастағы 924 адамның 914-і жұмыспен қамтылған. Ауылда 30 кәсіпкер халыққа қызмет көрсетеді. Өткен жылы мұнда монша мен шаштараз құрылысы толық аяқталды. Оның құны – 12 млн. теңге. Ол кәсіпкер Бердібек Ерназаровтың қолдауымен жасалды. Сондай-ақғ округте мал шаруашылығымен айналысатын азаматтардың қатары көбейді. Ауылдағы салық межесі 170,8 пайызға орындалды. Елді мекендегі жарық мәселесі жылдан-жылға шешімін тауып келеді.

Ауылдық округтің жалпы жер көлемі – 925 гектар. Оның ішінде 3 шаруашылығы мал шаруашылығымен айналысады. Есепті мерзімге ауыл бойынша 12 тонна ет, 8 тонна сүт өндірілді.

Есеп беру шарасында тұрғындар тарапынан түрлі сауалдар қойылып, оған лайықты жауап берілді. Аталмыш шараны қала әкімі Нұрлыбек Нәлібаев қорытындылады.