Аралда «Әнші балапан» байқауы өтті

Балабақша тәрбиеленушілерінің қатысуымен өткен мерекелі шарада ата-ана, Отан, достық туралы әндер шырқалды. Жас дарындар бақ сынаған байқау нәтижесінде ән жанры бойынша бас жүлдені Салтанат Маратқызы («Қарлығаш» балабақшасы), 1 орынды Нұрайым Қамысбекова («Балдырған» б/б), 2 орынды Кәусар Толыбай («Шағала» б/б), Алпамыс Кенжебекұлы («Алтын балық» б/б), 3 орынды Мансұр Ідірісов («Сартай» б/б), Арсен Ғазизұлы («Еңлік» б/б тәрбиеленушісі) иеленді. Би жанры бойынша бас жүлдені «Шағала» балабақшасының би тобы, 1 орынды «Қарлығаш» б/б би тобы, 2 орынды «Толқын», «Алтын балық» б/б би тобы, 3 орынды «Мереке», «Жазира» б/б би тобы жеңіп алды. Ұйымдастырушылардың мәлімдеуінше өнерпаз балалар байқауға жоғары дайындықпен қатысқан. Жүлдегерлерге арнайы дипломдар мен бағалы сыйлықтар табысталды.