Экономика
Қоғам
Қоғам
0
Тазалық сақтамаған тұрғындар жазаға тартылды
Облыс көлеміндегі криминогендік ахуалды сауықтыру, қоғамдық тәртіпті қамтамасыз ету мақсатында ағымдағы жылдың 1-5 тамыз күндері аралығында облыс көлемінде «Таза қала – таза аймақ» профилактикалық іс-шарасы өткізілуде. Облыстық ішкі істер департаменті баспасөз қызметінің хабарлауынша, аталмыш іс-шараға учаскелік және ювеналды полиция инспекторлары, жол-патрулдік полиция батальоны қызметкерлерінен құралған 500-ге жуық қызметкер жұмылдырылып, іс-шараның 4 күнінде барлығы 899 әкімшілік құқық бұзушылық анықталды.
Атап айтатын болсақ, 2015 жылдың 1 тамызында сағат 10.30 шамасында Қызылорда облысы, Шиелі кентіндегі көп қабатты үйдің ауласына құрылыс қалдықтарын жинап қойып, қала тазалығы мен көркіне елеулі зиян келтіргендігі үшін 1976 жылы туылған азаматқа ҚР Әкімшілік құқық бұзушылық туралы кодексінің 505-бабы 1-бөлігімен ескерту жасалды.
Сонымен қатар, дәл осындай дерек 2015 жылдың 3 тамызында сағат 11.50 шамасында Қызылорда қаласында да орын алған. Атап айтқанда, Тасбөгет кентінің тұрғыны орталық алаңда темекі шегіп, қалдығын тастап, қоғамдық орындарды ластағаны үшін ұсталды. Оған қатысты ҚР ӘҚБтК-нің 434-бабымен әкімшілік іс рәсімделіп, шешім қабылдауға Қызылорда қаласының әкімшілік сотына жолданды.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
