Экономика
Қоғам
Саясат
0
Шиеліде әлеуметтік нысандарының қатары артты
Аймақ басшысы жұмыс сапарымен Шиелі ауданында болып, бірқатар әлеуметтік нысандардың жұмысымен танысты. Алдымен Гигант ауылдық округіндегі өткен жылы пайдалануға берілген «Бидайкөл» дәрігерлік амбулаторияның жұмысымен көрді. Денсаулық сақтау мекемесінің құрылысына облыстық бюджеттен 79 млн. 420 мың теңге қаржы бөлінген. Бүгінде жаңа заманауи құрылғылармен жабдықталған амбулаторияда 2 дәрігер, 7 медбике жұмыс істейді. – Жаңа амбулатория аурушаңдықты дер кезінде анықтауға мүмкіндік беріп отыр. Мәслен, қазір ауылда аурушаңдық 9,5 пайызға азайып, туу көрсеткіші артты. Енді ауыл тұрғындары ем алу үшін аудан орталығына бармайды. Мұнда күндізгі ем қабылдау бөлімі де бар, – дейді Шиелі ауданының бас дәрігері Қазбек Шәукебаев.
Өткен жылы «Бидайкөл» ауылдық мәдениет үйі күрделі жөндеуден өтті. 320 көрермен залы бар өнер ордасында түрлі үйірмелер жұмыс жасауда.
Ауданда «Ақбұлақ» бағдарламасы аясында ауқымды жұмыстар атқарылуда. Шиелі кентінің ішкі су құбырлары жаңартылып, су көтерме мұнара орнатылды. Бағдарлама аясында 8 елді мекеннің ауыз су жүйесін жаңғырту жұмыстары қаралған. Бүгінде бес ауылдағы құрылыс жұмыстары аяқталды.
Аймақ басшысы орталық кітапхананың жұмысымен танысты. Кітапхана ескі ғимаратта орналасқан. Оқырмандарға қызмет көрсету сапасын арттыру мақсатында жаңа ғимаратқа көшіру мәселесі қаралатын болды.
Ауданда өткен жылы атқырылған жұмыстар мен алдағы әлеуметтік-экономикалық даму барысын Шиелі ауданының әкімі Қ.Сәрсенбаев автив отырысында баяндап берді.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
