Алматыда тоғызқұмалақтан ІІІ Әлем чемпионаты өтеді. Осыған орай баспасөз жиыны 10 сәуір күні Алматы қаласында Балуан Шолақ атындағы спорт сарайында болады. Бұл жайында Қазспорт телеарнасы мәлім етті.
Әлем чемпионатын ұйымдастырушылар Дүниежүзілік тоғызқұмалақ федерациясы, ҚР Мәдениет және спорт министрлігінің Спорт және дене шынықтыру істері комитеті, Алматы қаласының әкімдігі, Алматы қалалық Дене шынықтыру және спорт басқармасы.
Чемпионат 2015 жылдың 13-17 сәуірі аралығында Алматы қаласындағы «АйСер» қонақ үйінде өтеді. Жарыстың салтанатты ашылу рәсімі 13 сәуір күніне жоспарланған.