«Саламатты Қазақстан» бағдарламасы талқыланды

Қазіргі таңда өңірде аталған жобаны жүзеге асыру үшін түрлі жұмыстар атқарылып келеді. 85-тен астам медицина қызметкері қатысқан жиын барысында бас дәрігер Нұрлан Кәрібаев бағдарлама нәтижесінде аудан көлемінде атқарылған жұмыстарға тоқталды. Жалпы ауданда «Саламатты Қазақстан» бағдарламасын жүзеге асыруда профилактикалық іс-шаралар, скринингтік зерттеулер жүргізіліп, көліктік медицина қызметі көрсетіліп келеді. Сонымен қатар, отбасылық жалпы практикалық дәрігерлерді көбейту, мейіркештердің ролін арттыру мақсатында әрбір аймақ дәрігеріне екінші және үшінші мейіркештер бөлінді. Бастапқы медициналық көмек мекемелеріне 19 әлеуметтік мейіркеш тағайындалған.