Facebook VK WhatsApp Instagram

Қоғам

0

"Мәйіттерге арналған қорап": қазақстандықтар жантүршігерлік видеоны талқылап жатыр

Желіде мәйіттерге арналған қораптарға салынған қаптар қоймасы көрсетілген видео қызу талқыланып жатыр. Желі қолданушыларының сөзінше, бұл COVID-19 вакцинасын алғандарға арналған, - деп хабарлайды Stopfake.kz
Басылым мәліметінше, бұл - жалған ақпарат. 
Видеоны желіге @_TheCoolTwin лақапатымен тіркелген падаланушы жүктеген. Кадрларда Amazon компаниясына тиесілі қойма қызметкері жүздеген қорап салынған палетті көрсетеді. Олардың кейбірінде ішінде "мәйіттерге арналған қаптар бар" деген жазу бар. Содан кейін қораптардың бір бөлігі FedEx жеткізу қызметінің логотипі бар жүк көлігі алып кетеді. АҚШ-та қайтыс болғандардың денелеріне арналған сөмкелерге деген сұраныстың артуы вакцинациямен емес, COVID-19-дан көз жұму жағдайларының артуымен байланысты екен.
"Сондай-ақ, видеода да, оның сипаттамасында да дайындалған қаптардың қанша ауруханаға, қалаға және елдерге арналғаны айтылмаған. Қоймадан тауарлар әлемнің әртүрлі нүктелеріне жіберілуі мүмкін, сондықтан тауарлар санының көп болуы ойға қонымды", - деп жазды басылым. 
Видеода түсірілген қойма тиесілі Amazon компаниясының ресми өкілдері видеоға қатысты пікірлерін әлі білдірмеді және осы тақырып бойынша түсініктеме берген жоқ.

tengrinews.kz
Пікір қалдыру

Сіз робот еместігіңізді растаңыз - [] *: