Экономика
Қоғам
Қоғам
0
Қызылордада карантиндік талаптар күшейтілуі мүмкін
Қызылорда облысында індет жұқтырғандар саны 6490-ға жетті. Соңғы тәулікте 43 жағдай тіркелді. Қызылорда облысы коронавирус инфекциясын жұқтыру бойынша қайтадан «сары» аймаққа енді. Осыған орай, карантиндік талаптар күшейтілетін болады.
- Бүгінде инфекциялық стационарда 359 науқас ем алуда. Реанимациялық бөлімде 44 адам. Бүгінгі таңда дәрігерге хабарламай, үй жағдайында өз бетінше емделіп жатқандар көптеп кездесуде. Сондықтан тұрғындардан сұрайтынымыз ауру белгілері байқалған сәтте дереу дәрігердің көмегіне жүгініңіздер, - деді облыстық денсаулық сақтау басқармасының басшысы Сәбит Пазилов.
Еске сала кетейік, өткен жылы жаз айларында аурушаңдық белең алған болатын. Сала мамандары тұрғындарды сақтық шараларын қатаң сақтауға шақырды.
- Қауіп жоқ емес, бар. Сондықтан дәрігерлердің нұсқаулығына құлақ асыңыздар. Осы уақытқа дейін түсіндірме жұмыстары жүргізіліп келеді. Мейлінше, вакцинаны алу қажет. Сондай-ақ, көпшілік орындарға бармаңыздар. Аурудың көзі әлі бар. Маскалық режимді сақтап, күнделікті сақтық шараларын ескеріңіздер, - деді облыстық санитариялық-эпидемиологиялық бақылау департаменті басшысының орынбасары Әлия Әбдіқайымова.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
