Экономика

Бұл туралы бүгін Достық үйінде Қызылорда қаласына қарасты ауылдық округтер әкімдері мен жергілікті қоғамдастық мүшелері, үкіметтік емес ұйымдар жетекшілері бас қосқан шарада айтылды.

Бастама үкіметтік емес сектордың, Қызылорда қаласы әкімдігінің және қала маңындағы ауылдық аумақ тұрғындарының күш-жігерін мәдени мұра призмасы арқылы өңірлерді дамытудың тұрақты моделін құру үшін біріктіруге бағытталған.

Бағдарлама 2025 жылдың қазан айында Қызылорда қаласында өткен «Ауылдық аймақтарды дамытудағы азаматтық қоғамның рөлі» атты өңірлік форумның нақты ұсынымдары мен ұсыныстарын іске асыруды көздейді.

Бастаманың «QURAQ» деп аталуы кездейсоқ емес. Әртүрлі бөлшектерден біртұтас көркем туынды жасалатын қазақтың дәстүрлі құрақ құрау өнері секілді, бұл бағдарлама ауылдың дамуы үшін мемлекеттік ресурстарды, ҮЕҰ сараптамасын және жергілікті қоғамдастықтардың қуатын бір арнаға тоғыстырады.

«QURAQ» бағдарламасы аясында мынадай шаралар жоспарланған:

ҮЕҰ көшбасшыларының жергілікті қоғамдастықтардың миссиясын түсіндіру бойынша бірқатар көшпелі кездесулерін өткізу;

Төртінші деңгейдегі бюджетті қалыптастыру және бөлу тетіктерін түсіндіру.

Бағдарламаның нәтижесінде ауылдық округтерде билікпен тиімді іс-қимыл жасауға және ҮЕҰ Альянсының қолдауымен жергілікті мәселелерді өз бетінше шешуге қабілетті белсенді өзін-өзі көмек көрсету топтары құрылатын болады.

Бастама тұрғындар ұсынған әлеуметтік және мәдени шағын жобаларды іске асыруға сараптамалық көмек көрсетуге, ауылдық жерлердегі азаматтық белсенділікті ынталандыруға, жастарды ауылды дамытуға тартуға бағытталған және 2026 жылдың соңына дейін жүзеге асырылады. Жұмыс қорытындысы бойынша Қызылорда қаласының ауылдық аумақтарын дамыту мен төртінші деңгейдегі бюджеттің атқарылуына қатысты тәуелсіз талдау ұсынылады.