Экономика
Қоғам
Қоғам
0
Германиялық сарапшы кәсіпкерлермен тәжірибесімен бөлісті
Қызылорда облысының кәсіпкерлер палатасы кәсіпкерлерге маркетингтік стратегия бойынша оқыту ұйымдастырды. Тренингті Германияның халықаралық ынтымақтастық бойынша неміс экономикалық қорының бағдарламасы аясында SES қызметінен келген эксперт Юрген Штефан Пфайффер өткізді.
Қызылорда облысының кәсіпкерлер палатасының баспасөз қызметін34 хабарлауынша, аталмыш бағдарлама зейнет жасына шыққан барлық азаматтарға қоғамдық өмірде белсенді қатысып, білімдері мен тәжірибелерін өзге адамдармен бөлісуге мүмкіндік береді. Бағдарлама қатысушылары оқыту жұмыстарын өз елдерінде, сондай-ақ өзге де елдерде де жүргізе алады. Қоғамдық негізде жұмыс жасайтын аға эксперттер басшылық қызметтегі мамандарға кәсіби біліктілігін арттыруға қолдау көрсетеді.
Қызылордалық кәсіпкерлерге эксперттік көмек берудегі мақсат - жергілікті персоналдың біліктілігін арттыру, туындаған қиындықтарды өздігінен шешуге дағдыландыру. Айта кету керек, семинарға кәсіпкерлермен бірге Кәсіпкерлер палатасының консультанттары да қатысты. Оқыту семинарының қорытындысымен қатысушыларға арнайы сертификаттар тапсырылды.
Мұнымен қоса, германиялық эксперт облысқа сапары барысында бірнеше кәсіпорындарда болып, кәсіпкерлерге бизнесті дамыту және кеңейтуге қатысты кеңестер берді. Бұл жөнінде қызылордалық кәсіпкер, «ОРДА ЛЮКС» ЖШС-нің директоры Арман Иса «Біздің мекемемізге маркетингтік және сату мәселелері бойынша менеджерлік машық жетіспейтін. Пфайффер мырза өзінің тәжірибесімен бөлісіп, құнды кеңестер берді», - деп экспертпен кездесуден алған әсерімен бөлісті.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
