Экономика
Қоғам
Қоғам
0
Сыр бойынан көктемде 700 сарбаз әскерге аттанды
Егемен еліміздің айбынды әскерінің қатарына Сыр өңірінен биыл көктемде 700-ден аса азамат аттанады. Солардың бір легін бүгін облыс әкімі Қырымбек Көшербаев шығарып салып, сәт-сапар тіледі.Қазір әскерге шақырылушыларға қойылар талап күшейді. Олардың денсаулықтары құрыштай берік болуы шарт. Біліміне де барынша назар аударылуда. Бұл дегеніміз жаңа буынның сарбаздары жоғары әскери дайындықта болады деген сөз.
- Сіздер ер жетіп, бүгін әскер қатарына аттанғалы отырсыздар. Ел тыныштығын күзету - азаматтық борыш. Қазір заман тыныш. Алайда, бұл Отан күзетіндегі жауынгердің жауапкершілігін жеңілдетпейді. Алаштың анасы - Сыр елінің бүгінгі жастары алған тәлім-тәрбиесі, білімі мен өмірлік тәжірибесінің арқасында мерзімді әскери қызметін жоғары жауынгерлік деңгейде атқаратынына сеніміміз мол. Осыған орай, мен Сіздерге үлкен сенім артып «Аманат» жолдап отырмын, - деді облыс әкімі Қ.Көшербаев.
Әскери борышын өтеушілердің барлығына облыс әкімінің атынан Қадыр Мырза Әлінің «Алмас жерде қалмас» кітабы табыс етілді. Сонымен қатар, әскерге аттанушы сарбаздардың ата-аналары да ақ жол тілеп, Отан алдындағы борыштарын аман-есен өтеп қайтуға тілектестіктерін білдірді. Ал облыстық ардагерлер кеңесінің төрағасы ақ батасын беріп, сәт-сапар тіледі.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
