Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаменті (бұдан әрі - Департамент) басшысының орынбасары Д.Тұрғанбаев «Нұр Отан» партиясының Қызылорда қалалық филиалында азаматтарды жеке қабылдау өткізді.
Бұл күні өз жеке мәселелерімен жүгінген 6 азамат қабылданды. Қабылдау барысында қала тұрғындарының бірқатар проблемалық сұрақтары қаралып, бақылауға алынды, сондай-ақ азаматтардың кейбір шағымдарына түсіндірмелі жауаптар берілді.
Аталған жұмыс Департамент басшылығымен тұрақты түрде жүргізіліп келеді. Жеке қабылдауларды өткізу азаматтардың өзекті мәселелерін нақты шешуге және халық арасында сенімнің артуына ықпал етеді.