Facebook WhatsApp Instagram

Қоғам

0

Аналық құқығы шектелген әйел балаларына алимент төлейді

Аналық құқығы шектелген әйел балаларына алимент төлейдіТалапкер Қызылорда қалалық білім бөлімінің қорғаншылық немесе қамқоршылық жөніндегі функцияларды жүзеге асыратын органының жауапкер Р.-ны ата-аналық құқығынан шектеу туралы азаматтық іс қаралды.
Қызылорда облысының кәмелетке толмағандардың істері жөніндегі мамандандырылған ауданаралық сотының баспасөз қызметінің хабарлауынша, жауапкер азаматша Р. өзінің балаларының тәрбиесімен айналыспай, ішкілікке салынып, жұмыс істемей, балаларын жетімдер үйіне тастап кеткен. Өзінің тұрғылықты жері бойынша көршілермен жақсы мінезделмейтін жауапкер балалардың тәрбиесімен, оқу үлгерімімен мүлдем айналыспаған.
Аталған мәселелермен жүгінген талапкердің талап арызы Қызылорда облысының кәмелетке толмағандардың істері жөніндегі мамандандырылған ауданаралық сотының шешімімен қанағаттандырылып, жауапкерді аналық құқығынан шектеп, балаларға қатысты алимент өндірілді. Шешім заңды күшіне енген. 
Пікір қалдыру

Сіз робот еместігіңізді растаңыз - [] *: