АРАЛДЫҚ ЖАЙДАРМАНШЫЛАР САЙЫСҚА ТҮСТІ

Бұған дейін аудандағы мектеп оқушылары арасында бірнеше мәрте жайдарман ойындары өткізілген болса, «Дарын», «Есте қалсақ», «ЖасNEW» командалары республикалық, облыстық жайдарман сайыстарында үздік деп танылып финалдық додаларға жолдама алған болатын. Бүгін сол жеңісті жолды жалғаған №262 - мектеп гимназиясының «ЖасNEW» жайдарман тобы Облыстық супер лига жайдарман сайыстарының финалдық бәсекесіне бірінші орынмен жолдама алды. Айта кетейік, жартылай финал ойындарына жоғары оқу орындарынан 11 команда қатысқан болса, соның ішінде жалғыз мектеп командасы «ЖасNEW» тобы болды. Бұл туралы жастарды жайдарман сайыстарына дайындаған, «Арал-АС» шығармашылық үйінің директоры Төребек Дәрмағамбетов хабарлады.