Facebook VK WhatsApp Instagram

Қоғам

0

ҚЫЗЫЛОРДАДА КӨРСЕТІЛГЕН ҚАЙЫРЫМДЫЛЫҚ КӨМЕКТЕР 4,5 ЕСЕГЕ АРТҚАН

ҚЫЗЫЛОРДАДА КӨРСЕТІЛГЕН ҚАЙЫРЫМДЫЛЫҚ КӨМЕКТЕР 4,5 ЕСЕГЕ АРТҚАНҚызылорда облысында жыл басынан бері бюджеттен тыс қаражат көздері есебінен 5 мыңға жуық тұрмысы төмен отбасыларға, мүгедектер мен жалғыз басты қарттарға 62 млн. теңгеден астам қайырымдылық көмек көрсетілген.
Қызылорда облысының Өңірлік коммуникациялар қызметінің хабарлауынша, жалпы қайырымдылық көмек көрсету аясы өткен жылмен салыстырғанда 4,5 есеге артқан. Бұл туралы бүгін Өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Марат Делмұханов баяндады.
Сондай-ақ, Марат Нұрсайынұлы халықтың осал топтарын әлеуметтік қолдауға бағытталған шараларға да тоқталып өтті.
Марат Делмұханов, облыстық жұмыспен қамтуды үйлестіру және әлеуметтік бағдарламалар басқармасының басшысы:
- 2013 жылдан бастап аймақта алғаш рет Қазақстан Республикасының білім беру мекемелерінде өңірге қажет мамандықтар бойынша аз қамтылған отбасылардан шыққан студенттерге білім беру қызметіне ақы төлеу үшін облыс әкімінің гранты тағайындалып келеді. Осының арқасында бүгінгі күні
365 студент жоғары оқу орындарында білім алуда. Биыл тағы да облыс әкімінің қолдауымен қосымша 135 грант бөлініп, жалпы білім алушылардың саны 500-ге жетті. Айта кету керек, аз қамтылған отбасылардан шыққан студенттерге арналған облыс әкімінің гранты педагогикалық, техникалық, ауыл шаруашылығы және медицина салалары бойынша бөлінген.
Пікір қалдыру

Сіз робот еместігіңізді растаңыз - [] *: