Экономика

Ақтауда мұқтаж адамға көмек көрсеткен мейірімді қыздың видеосы Желі қолдаланушыларын сүйсіндірген еді. Tengrinews.kz тілшісі видео кейіпкерін тауып, анасымен сөйлесті.

Ақтауда әмиянынан ұсақ-түйек ақша алып, оны мұқтаж адамға берген оқушы қазақстандықтардың көңілін босатқан болатын. Осы сәтті камераға түсіріп алған ер адам видеоны әлеуметтік желілерде таратты.

Қалалық білім бөлімінің қызметкерлері журналистерге видеоның басты кейіпкерін табуға көмектесті. Ол Ақтау қаласындағы № 5 орта мектептің 2-сынып оқушысы Сабина Кенгесбаева болып шықты.

View this post on Instagram

Без слов. Комок к горлу ⠀ Прислал: @y*0 Сегодня, 08:22 ⠀ 27 февраля, 18:40, гостиница "Актау", 2 мкр. ⠀ ⭕➡️ Если хотите видеть наши новости у себя в ленте, обязательно ставьте лайк, либо отправьте этот пост друзьям или напишите комментарий. ⠀ НАРОДНЫЕ НОВОСТИ - это новости Актау глазами его жителей! ⠀ ???? ❗Если Вы стали участником или очевидцем происшествия или чего-то необычного - поделитесь информацией, отправляйте ваши фото и видео в рубрику "Народные новости". WhatsApp/ Telegram: +7 777 8338822. ❗Это видео можно скачать в нашем Telegram канале ⠀ #Актау #Мангистау

A post shared by НОВОСТИ АКТАУ (@ladakz) on Feb 27, 2020 at 7:32pm PST

"Біздің отбасы үлкен: әкесі, анасы және бес бала бар. Әкеміздің шағын типографиясы бар, мен үй шаруасындағы әйелмін. Біз өзіміз мұқтаж жандарға тиын-тебен қалдырып тұрамыз, шамасы, қызымыз бізден үлгі алды. Жалпы, ол мінез-құлқы бойынша - көшбасшы. Достарының көбі оған құлақ асады. Сол күні ол ер адамға 70 теңге берген", - дейді қыздың анасы Динара Қарабалина.

Ол қызының қалта шығындарына беретін ақшасын планшетке жинап жүргенін, ал мұқтаж адамға бергені үйден тауып алған ұсақ-түйек екенін айтты.

"Жақындарына көмектесу - әрбір адамның міндеті. Біздің үйде садақа үшін ақша жинайтын жәшік бар. Күн сайын балалармен оған Жаратушының ризашылығы үшін ақша саламыз. Ай соңында жиналған қаржыны мұқтаждарға немесе мешітке береміз", - деді Динара Қарабалина.

Қыз оқитын № 5 мектеп директоры Сабинаның іс-әрекеті барлығына үлгі екенін айтты.

"Қыз өте қарапайым. Әрдайым сабаққа дайындықпен келеді, сондай-ақ барлық іс-шараға қатысады. Осының бәрі отбасынан. Оның ер адамға көмек көрсетуі - толыққанды отбасы тәрбиесінің нәтижесі", - деді Алмажай Райымбердиева.