Экономика
Қоғам
Қоғам
0
Төтенше жағдай кезінде халыққа қандай әлеуметтік қызметтер көрсетіледі?
ҚР Президентінің берген тапсырмасына сәйкес Төтенше жағдай кезеңінде әлеуметтік-еңбек саласындағы кейбір мемлекеттік қызметтерді көрсету және халықтың жекелеген санаттарын азық-түлік және тұрмыстық жиынтығымен қамтамасыз ету тәртібі туралы қағидалары бекітілді. Бұл туралы Өңірлік коммуикациялар қызметінің ақпарат алаңында Облыстық жұмыспен қамтуды үйлестіру және әлеуметтік бағдарламалар басқармасының басшысы Талғат Дүйсебаев мәлімдеді.«Қазіргі таңда атаулы әлеуметтік көмек алатын отбасыларындағы 1 жастан 6 жасқа дейінгі балалар ай сайын кепілді әлеуметтік пакетпен қамтылып отыр. Сондай-ақ, төтенше жағдайға байланысты атаулы әлеуметтік көмек алатын отбасыларындағы 6 жастан 18 жасқа дейінгі балаларына азық-түлік пен тұрмыстық заттар алу үшін ақшалай түрде әр балаға 5647 теңгеден төленетін болады. Бұған қоса, көмек алушылардың тізімі ақпараттық жүйе арқылы автоматтық түрде жасақталады. Және де атаулы әлеуметтік көмек тағайындалған азаматтың жеке есеп шотына аудару арқылы жүргізіледі. Яғни жұмыспен қамту орталықтарына келудің қажеті жоқ»,-деді Талғат Тұрсынұлы.
Ескере кетейік, карантин жарияланған аймақтарда ғана (Нұр-Сұлтан, Алматы қалалары) азық-түлік пен тұрмыстық жиынтық АӘК алатын отбасылардың ересек мүшелеріне беріледі. Оның ішінде көпбалалы отбасыларға, барлық жастағы I және II топтағы мүгедектерге, мүгедек балаларға, мүгедек баланы күту мен айналысатын ата-аналарға берілетін болады.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
