Экономика
Қоғам
Қоғам
0
Пісте шағудың зияны мен пайдасы
Бүгінде пісте шақпайтын адам аз шығар. Зиянды әдет деп есептемесе, пістенің де берер пайдасы көп. Бұл жөнінде Мassaget.kz жазды. Оның құрамында өсімдік майы мен А, Д, және Е дәрумені көп. Ол қандағы холестерин мөлшерін азайтып, қартаю процесін баяулатады. Шаш пен тырнақтың мықты болуына әсер етеді.
Пісте цинк, фтор, йод, кальций, калий мен магнийге, темірге өте бай. Құрамында 25% ақуыз, 35% май және көмірсулар бар. Бұл байлықтарды дән бүкіл қыс бойы өзінде сақтайды. Сол себепті оны "табиғи консерві" деп атайды. Психологтар адам қатты ашуланған кезде немесе күйзеліс пен депрессияда жүргенде пісте шақса ойы бөлінеді дейді. Сонымен қатар пісте шағу темекіге деген тәуелділікті азайтып, ұйқысыздықтан құтқарады.
Пістенің зияны
• Тістің эмалін бұзады, тіс көркінен айырылып, қара дақтар пайда болады.
• Шамадан тыс пісте шаққан адам семіздікке душар болады.
• Дауысқа керіс әсер етеді.
• Пістені жиі шағатындар бүйрек пен жүйке жүйесі ауруларына көп шалдығады.
• Асқазанның ойық жарасы мен соқырішіек те осы пістеден бастау алады.
• Өт жолы ауыратын адамдар үшін пісте шағу зиян.
• Пістені қарт кісілер мен буын ауруымен ауыратын адамдардың көп шағуына болмайды.
Қорытындылай келе, осы жайларды таразыға салған мамандар аптасына жарты стақан ғана пісте шағу керек дейді. Одан аз не көп болса, денсаулыққа зиян тиюі мүмкін.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
