Қазалыда қолөнерді серік еткен отбасы бар

 

Қазалыда өзгелерге үлгі боларлық өнегелі отбасылар жетерлік. Қазалылық Құдайбергеновтер ісмерлер отбасы ретінде көпшілікке таныс. Отағасы Алтынбек он саусағынан өнер тамған шебер.
Аю, ағашқа қонып отырған бүркіт, бұғы, иттердің мүсіндерін әртүрлі бұйымдардан жасайды. Ал жары Қаламқас бала кезінен анасынан үйренген қолөнерін бүгінде іске асырып отыр. Неше түрлі қиындыларды шеберлікпен қиюластырып, құрақ құраумен айналасады. Қазалы ғана емес Ақтөбе қаласынан, Төретам, Кеңқияқ, т.б. тапсырыс берушілер де бар. Қаламқас тек көрпе тігумен ғана шектелмейді. Ерлер мен әйелдердің бас киімдері, үй ішіне, көрмелерге қойылатын түрлі бұйымдарды да аса шеберлікпен тігеді.
Қос шебер – Алтынбек пен Қаламқас дүниеге 5 перзент әкелген үлгілі отбасы, 6 немере сүйіп отырған бақытты жандар.