Қазақстан – Молдова ойыны "Хабардан" тікелей көрсетіледі

Бұл ойын біздің футболшылардың үстіміздегі жылғы алғашқы кездесуі. Кездесу телеарнадан тікелей көрсетіледі. Бүгінгі күнге дейін қос құрама бірде-бір мәрте ресми түрде кездесіп көрген емес. Дегенмен, үш мәрте жолдастық кездесуде бақ сынапты. Оның 2-де молдовалықтар жеңіске жетсе, біреуінде қазақстандық футболшылар басым түскен. Алғашқы ойын 2008 жылдың 6 ақпанында өткізліп, онда біздің бүгінгі қарсыластар 1:0 есебімен жеңіске жеткен. Одан кейінгі ойын 2010 жылдың 3 наурызында болды. Бұл жолы молдован құрамасының қанжығасы майланып, таблода 1:0 есебі тіркелді. Осыдан екі жыл бұрын Қазақстан құрамасы оларды алғаш рет 3:1 есебімен тізе бүкітірді. Атап өтерлігі, жолдастық кездесудің барлығы Түркияның Анталия қаласында өткізілген. Біз бұдан бұрын ұлттық құрама қандай футболшылардың шақыру алғанын хабарлаған едік. 

Молдова ФИФА рейтингісінде 122-ші орында тұр. Ал Қазақстан 140-шы орынға жайғасқан.