Экономика
Қоғам
Спорт
0
«Қайсардың» жаңа ойыншылары таныстырылды
Жаңа футбол маусымы алдындағы «Қайсар» футбол клубының ойыншыларын таныстыруға арналған салтанатты шара өтті. Оған облыс әкімі Қ.Көшербаев қатысты.
Кезекті ел біріншілігіне Қызылорданың «Қайсары» тыңғылықты дайындалды. Түркияда төрт рет оқу-жаттығу жиынын өткізді. 13 жолдастық-бақылау кездесуін өткізіп, бес ойында жеңіске жетті. Қарсыластар қақпасына 32 гол соғып, өз қақпаларына 13 доп жіберіп алды.
Жаттығу жиындары барысында клуб басшылығы 11 жаңа ойыншымен келісім-шартқа отырған. Оның екеуі қақпашы, төртеуі қорғаушы, төртеуі жартылай қорғаушы, біреуі шабуылшы. Командада Словакия, Болгария, Чехия, Эстония елдерінің легионерлері бар. Айта кетейік, Қ.Нұрдәулетов, Ф.Ирисметов «Қайсардың» намысын қорғайтын болады.
- 2020 жылға дейін Қызылорда қаласында 15 мың көрерменге арналған заманауи стадион салынбақ. Стадионның жанында «Қайсар» футбол клубының базасы салынып, футболшылардың жаттығулары үшін бассейннен бастап, қосалқы алаңдарға дейін болады. Ал биылғы жылы 3000 көрерменге арналған жабық кешенді футбол манежінің құрылысы басталады. Бұл аймақ футболын дамытуға септігін тигізеді. Жаңа маусымда «Қайсар» командасына сәттілік тілейміз. Жеңістерімен қуанта берсін, - деді облыс әкімі Қ.Көшербаев.
Кездесу барысында «Қайсар» командасының жаңа формасы таныстырылды.
Сондай-ақ, биыл Бірінші лигада аймақ намысын «Байқоңыр» командасы қорғайтын болады. Жергілікті ойыншылардан жасақталған команда өткен жылы Екінші лигада топ жарған болатын.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
