Экономика
Қоғам
Спорт
0
Қызылордалық спортшылар табысты оралды
Оңтүстік Қазақстан облысы, Шымкент қаласында каратэ-до шито-рюден Қазақстан чемпионаты өтті. Жарысқа еліміздің барлық өңірінен барлық жас ерекшеліктері бойынша 600-ге жуық спортшылар қатысты.
Аталмыш дүбірлі бәсеке Қызылорда облысының намысын қорғаған спортшыларға сәтті өтіп, 3 алтын, 2 күміс, 12 қола медаль иеленді. Жарыс нәтижесінде 14-15 жас аралығында Марта Ким (-54 келі), 16-17 жас аралығында Сүйіндік Монтай (-55 келі) ел чемпиондары атанды. 6-10 жас аралығындағы жасөспірім ұлдар арасында Ердос Кенжалиев, Павел Барыбин және Сергей Осиповтер командалық катада бірінші орынды иеленді. 8-9 жас аралығында Ердос Кенжалиев пен 14-15 жас аралығында Қайсар Өмірбек күміс жүлдеге ие болды.
Чемпионаттың қола жүлдесін Нәби Тимуров, Мейіржан Әділханов (екеуі де 6-7 жас, -25 келі), ката бойынша Павел Барыбин, Сергей Осипов (екеуі де 8-9 жас), 10-11 жас аралығында Әсемгүл Ердәулет (+30 келі), 12-13 жас аралығында Диас Молдабек (-35 келі), Данара Жалғасбаева (-40 келі), Бауыржан Мадияр (+50 келі), 14-15 жас аралығында Әділет Оралбек (-70 келі), 16-17 жас аралығында Диана Досқали (-48 келі), Нұрсұлу Жетербай (-59 келі), 18 жастан жоғары Мөлдір Жаңбырбайлар (-60 келі) еншіледі.
Облыстық жоғары спорт шеберлігі мектебі, №2 облыстық олимпиадалық резервтің мамандандырылған балалар-жасөспірімдер мектебі және облыстық каратэ-до федерациясында тәлім алатын спортшыларды жарысқа Тағдыберген Жаналиев, Рүстем Әбжәмиев, Нұржан Ақпанбет, Рүстем Қараев, Еркін Боханов, Әкімжан Нұрғалиев және И.Леонид дайындады. Енді спортшылар 7-14 сәуір аралығында Батыс Қазақстан облысында жастар арасында болатын Қазақстан чемпионатына қатысады.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
