Үздік команда 31 мамырда анықталады

Жарысқа барлығы сегіз команда қатысуға өтініш білдірген. Оның үшеуі Қызылорданың намысын қорғаса, екеуі Шымкенттен. Сондай-ақ, Ақтөбе, Тараз және Павлодар қалаларынан да бір-бір командадан бар. «А» және «В» топтарына бөлінген командалардың тек үздіктері ғана финалда бас жүлдені сарапқа салады. Әзірге «А» тобында павлодарлық «Ертіс» пен "Шымкенттің Балалар-жасөспірімдер спорт мектебінің жеткіншектері қарсылақ шақ келтірмей келе жатса, «В» тобында Ғалымжан Үмбетбаев жаттықтыратын "Қайсар-2005" командасы көш бастап келеді. Екі команда да өздерінің алғашқы екі кездесулерін жеңіспен аяқтады.

Бекзат Әли, «Ертіс» Футбол орталығының тәрбиеленушісі:

-Алғашқы екі қарсыласымызды жеңдік. Енді қалған ойындарды сәтті аяқтап, чемпион атануды көздейміз. Жалпы, футболмен айналысып жүргеніме үш жылдай болды. Қазіргі жаттықтырушым – Руслан Гумар.

Енді ертең жас футболшылар топтық кезеңдегі соңғы ойындарын өткізеді. Ал 31 мамырда жеңімпаздар мен жүлдегерлер толық анықталады.

«Ертіс» (Павлодар) – «Қайсар-2» (Қызылорда) 10:0

«БЖСМ-7» (Шымкент) – «Тараз» 4:3

БЖСМ-7 – «Қайсар-2» 10:1

«Ертіс» - «Тараз» 4:1

«Ордабасы» (Шымкент) – «Қайсар-1» (Қызылорда) 1:2

ОМБЖОР-6 (Қызылорда) – «Ақтөбе» 1:12 

«Ордабасы» - «Ақтөбе» 7:0

ОМБЖОР-6 – «Қайсар-2» 0:13

30 мамыр

10:00. Қайсар-2 – Тараз

10:00. ОМБЖОР-6 – Ордабасы

11:00. Ақтөбе – Қайсар-1

11:00. Ертіс – БЖСМ-7