Сақшылар шағын футболдан өзара бақ сынасты

Аталмыш спорттық шараға  ішкі істер басқармасы қызметкерлерінен құралған 10 команда  қатысты. Спорттық бәсекенің қорытындысы бойынша І орынды Анықтау бөлімі құрамасы иеленсе, ІІ орынды Кадр жұмысы бөлімшесі құрамасы қанжығасына байлады. Ал ІІІ орынға Криминалды полиция бөлімшесі табан тіреді. Сондай-ақ жарыс шеңберінде үздік қорғаушы, үздік шабуылшы, үздік қақпашы аталымдары бойынша үздіктер анықталды. «Үздік қорғаушы» номинациясына Криминалды полиция бөлімінің жедел уәкілі полиция лейтенанты Еркінов Бекзатхан лайық деп танылса, «Үздік шабуылшы» аталымы бойынша Анықтау бөлімінің анықтаушысы полиция аға лейтенанты Смайлов Дәділхан, «Үздік қақпашы» аталымы бойынша Техникалық қызмет бөлімінің аға инженері полиция майоры Бекманов Ерлан, «Футбол майталманы» аталымы бойынша ҚІІБ бастығының орынбасары полиция майоры Абдреев Асылхан марапатталды. Жарыс соңында жеңімпаз командалар мен жүлдегерлер жарыс кубогымен, дипломдармен және бағалы сыйлықтармен марапатталды.