Федор Щербаченко: "Қайсарда" ойнағысы келетін футболшылар жетерлік"
"Қайсар" - "Шахтер" кездесуінен кейін қызылордалық команданың бас бапкері Федор Щербаченко журналистерге арнап баспасөз мәслихатын өткізіп, футболшылардың ойындарына өз бағасын берді.
-Бірінші таймды жап-жақсы өткіздік. Екінші таймды да тәуір бастадық. Бірақ шабуылда сәттілік жетіспеді. Ал «Шахтер» өздерінің жалғыз мүмкіндіктерін голға айналдырды.
-Йосип Кнежевичті алаңға тым кеш шығарған жоқсыз ба?
-Йосип қазір бабында емес.
-Ал Кирилл Шестаков алаңға шыққанымен ешнәрсе бітірген жоқ. Оның үстіне, өз қапталында емес, қорғаныс шебінде ойнады. Одан пайда болды ма?
-Біз бар ойыншыларды, көмектесе алады-ау деген жігіттерді шығардық, Өздеріңіз көрдіңіздер ғой, Сергей Кейлердің ойыны мүлдем жүрмей қойды да, оны ауыстыратын ешкімді таппай, Шестаковқа сенім арттым.
-Ал егер қалып жатсаңыз, команда құрамын қаншалықты өзгертер едіңіз?
-Алғаш «Қайсардың» тізгінін ұстағанымда оқта-текте біреулерден «Қызылордаға ешкімнің келгісі келмейді» деген пікірлерді естіп қалатынмын. Кейін өзім басқа командалардың ойыншыларымен сөйлестім. Бәрі де «Қайсар» жайлы, Қызылорда жайлы жақсы пікірде. Мұнда келуге ешкім қарсы емес.