Экономика
Қоғам
Спорт
0
Геннадий Головкин оң аяғын жарақаттап алды
Шетелдік дерек көзінің, атап айтқанда, ESPN.com басылымының мәлімдеуінше, Геннадий Головкин (40-1-1, 35 KO) оң аяғын (сирағын) жарақаттап алған. Осыған байланысты, GGG командасы IBF басшыларынан чемпиондық атағын міндетті түрде қорғауды кейінге шегере тұруларын өтініпті.
Дәл қазір, Геннадий Головки мен поляк Камил Шеремета (21-0, 5 KO) арасындағы жекпе-жек «мамыр немесе маусым айларында өтуі тиіс» деген болжамдар айтылып жатыр. DAZN стримингтік сервисінің өкілі бұл жекпе-жекті қай күнге ауыстыру мәселесі талқыланып жатқандығын да жасырмаған.
Бірақ GGG Promotions (промоутері) Том Леффлер шетелдік басылымға бұл жөнінде пікір білдіруден бас тартыпты. Енді Головкин – Шеремета жекпе-жегінің тағы да кейінге шегерілуі әбден мүмкін. Әу баста бұл жекпе-жекті 29 ақпанда өткізу жоспарланып, артынан 28 наурызға, кейінірек 11 сәуірге шегерілгендей еді.
Естеріңізге сала кетейік, Геннадий Головкин соңғы рет шаршы алаңға 5 қазан күні шығып, украин Сергей Деревянченконы төрешілер шешімімен ұтқан. Әрі IBF тұжырымы бойынша чемпиондық атақ пен белбеуді жеңіп алған-тын. Енді осы атағын міндетті түрде қорғап қалу мерзімі жеткен болатын.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
