Facebook VK WhatsApp Instagram

0

ЖАЗИРА БАЙЫРБЕКОВА КҮЙЕУІНЕН ТАЯҚ ЖЕГЕН КЕЗДЕРІН ЖАСЫРМАЙ АЙТЫП БЕРДІ

 

Танымал әнші Жазира Байырбекова өзінің күйеуі Жанболаттан таяқ жегенін жасырмай айтты деп хабарлайды NUR.KZОл бұл туралы 31-арнаның "Ұят емес" бағдарламасында айтып берді.
Бағдарламада желі қолданушыларынан келген бірнеше сұрақ қойылды. Соның бірі күйеуінен таяқ жегені-жемегені туралы сұрақ болды.
Бұл сұраққа Жазира еш тосылмастан: "Иә, таяқ жедім, бірақ көп емес", - деп өзінің Жанболаттан таяқ жегенін жасырмады.
"Сонда сіз таяққа лайық болдыңыз ба?", - деген бағдарлама жүргізушісінің сұрағына да қымсынбастан өзінің кінәсінен екенін мойындады.
"Қарсы сөйлеймін деп таяқ жедім, тілімнен таптым. Қазір ажырасулар өте көп. Бір ұрғаны үшін құрбысына айтып, ол оған кеңес беріп, бір ұрған еркек ұра береді деп ажырасып жататындар өте көп. Отбасы болған соң бәрі болады ғой", - деген ол мұндай жайттарды кейінгі буын келіншектерге үлгі болу үшін айтып отырғанын айтады.
"Таяққа көніп жүре беріңдер демеймін", -деген Жазира анда-санда күйеуінің қол көтергеніне отбасын бұзудың қажеті жоқ деп санайды.
Сонымен бірге, ол Жанболаттың да мәңгі сүйіктісі болу-болмауы бір Алланың еншісінде дегенді айтты. Тоқал алуға қарсы болса да, ол бұл өмірде бәрі мүмкін екенін жеткізді.
"Тоқал алуға келіскім келмейді. Қарсымын. Алладан тілейтінім ондай жағдайға жеткізбесе екен", - деді жан сырымен бөліскен әнші.

Пікір қалдыру

Сіз робот еместігіңізді растаңыз - [] *: