Экономика
Қоғам
Әлем
0
АРКТИКАДА 170 ЖЫЛ БҰРЫН СУҒА КЕТКЕН ТАНЫМАЛ КЕМЕ ТАБЫЛДЫ
Зерттеушілер Солтүстік Мұзды мұхит арқылы солтүстік-батыс өткелін іздеген британдық Джон Франклиннің экспедициясындағы «Террор» кемесін тапты, деп хабарлайды ҚазАқпарат РИА Новостиге сілтеме жасай отырып.
"Эребус" және "Террор" кемелеріне мінген британдық теңіз офицері Джон Франклиннің жетекшілігіндегі жоғалған экспедиция Атлант мұхитынан Тынық мұхитына Арктика арқылы жол ашпақ болған. Франклин және оның экипажы - 128 теңізші 1845 жылдың мамыр айында Британиядан жүзіп кеткен. Сол жылы тамыз айында олар туралы соңғы хабар келген және экспедицияның кейінгі тағдыры белгісіз.
Жексенбі күні Arctic Research Foundation зерттеу ұйымының мамандары қашықтықтан басқарылатын сүңгуір қайық көмегімен арктикалық шығанақтардың біріне батып кеткен екінші кемені тапты.
«Біз кают-компанияға кіре алдық, бірнеше каютада болдық. Азық-түлік қоймасына барып, консерв құтысын және екі бөтелке шарап таптық. Үстелдер мен сөрелер бос. Қозғалатын жәшіктері бар үстел таптық», - деді Martin Bergmann зерттеу кемесіндегі ұйым жетекшілерінің бірі.
Америкалық жазушы Дэн Симмонстың танымал «Террор» романы Джон Франклиннің жоғалған экспедициясына арналған.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
