Экономика
Қоғам
Қоғам
0
Қызылордада 500 шақырым жол жөнделеді
Биыл облыста автомобиль жолдарын жөндеуге түрлі қаржы көздерінен 20 млрд. 289,3 млн. теңге бөлінді. Қомақты қаражатқа ұзындығы 498,2 шақырым құрайтын автомобиль жолы мен көшелер және көпір өткелдері жөнделуде.
Жалпы жол желісін дамытуға 4 мемлекеттік бағдарлама арқылы қаражы тартылды. Атап айтқанда, «Нұрлы жол» бағдарламасымен облыстық және аудандық маңызы бар ұзындығы 147 шақырым құрайтын автомобиль жолына жөндеу жұмыстары жүргізілді.
«Өңірлерді дамыту» бағдарламасы бойынша 4,6 шақырым болатын Қызылорда қаласындағы С.Бейбарыс көшесінен Қызылжарма каналына дейінгі жол салынуда. «Ауыл-ел бесігі» бағдарламасымен 72 шақырымды құрайтын 66 көшеге асфальт төселуде. «Жұмыспен қамту жол картасы» бағдарламасымен барлығы 263 жоба жүзеге асырылуда. Яғни, ұзындығы 255 шақырым жол жөнделеді. Сондай-ақ, жергілікті бюджеттен бөлінген қаржыға елді мекендердің 20,7 шақырым жолына асфальт төселуде.
- «Жұмыспен қамту жол картасы» бағдарламасы аясындағы жол жөндеуге қатысты жобаларды жүзеге асыру барысында 2639 жаңа жұмыс орны ашылды. Бұл жұмыстар толық аяқталған кезде облыстық және аудандық маңызы бар жолдардың жақсы және қанағаттанарлық көрсеткішінің үлесі жоспарлы 69% құрайды, - деді облыстық жолаушылар көлігі және автомобиль жолдары басқармасының басшысы Мұрат Тлеумбетов.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
