Сәкей  мұнарасы 

Ол Жалағаш ауданы, Жаңадария ауылынан оңтүстік-батысқа қарай 15 шақырым жерде орналасқан. 

Мұнара жоспары шеңберлі, конус пішіндес, қам кесектен салынған. Кіретін ауызы оңтүстікке бағытталған. Мұнараның төбесі күмбез етіліп жабылған. Іргетасы жоқ, жердің бетіне қамыс төслеліп, соған отырызылған. Кіреберіс есігін оңтүстік жаққа қаратып, жебе  тәрізді үшбұрышты  арка сияқты етіп жасаған, биіктігі 2 м. Ішінде ағаш баспалдақтың іздері сақталған. Мұнараның астына фундамент есебінде бауланған қамыс төселген. Сыртқы және ішкі  беттерінде арматура  ретінде  сексеуілдің  бұтақтары қам  кесектермен  бірге қаланған. Мұнараның басына үш деңгейлі сатымен шыққан. Өлшемдері: негізінен диеметрі 3,6 м; биіктігі – 7,5 м; негізі тұсынан қабырғасының биіктігі – 1,1 м, кесегі 31х18х8 см. Казіргі уақытта мұнараның  жағдайы қанағаттанарлық  дәрежеде болғанымен, кіреберіс есігінің үсті шатынап жарылған.