Экономика
Қоғам
Қоғам
0
Шыны зауыттың эскиздік жобасы мақұлданды
Қала құрылысы кеңесінде Қызылорда қаласында жылына 197 100 тонна шыны табақшасын өндіретін және өңдейтін зауыт құрылысының эскиздік жобасы мақұлданды.
Шыны зауытының құрылысын Қызылорда қаласы, Титов мөлтек ауданында орналасқан индустриалдық аймақта жүргізу жоспарланып отыр. Зауыт күніне 600 тонна (жылына 197 100 тонна) шыны табақшасын өндіретін болады. Шыны зауытына қажетті шикізатты Қызылорда облысында орналасқан Сарышоқы кен орнынан жеткізу көзделіп отыр. Қосымша қоспалар Қазақстанның басқа облыстарынан, Ресейден, Қырғызстаннан және Өзбекстаннан тасымалданады.
Эскиздік жобаға сәйкес зауыттың қабырғалары сары және жасыл түстес сэндвич-панельдерден, есіктері мен терезелері ақ түстес алюминдік пластикалық профильдерден жасалады, іргетасы қоңыр түстес керамикалық тастармен қапталып, шатыры темір профильмен жабылады. Жобалаушы «Промстройпроект Қарағанды институты» ЖШС-нің мамандары зауыт озық технологиямен салынатындықтарын айтты.
– Шыны зауыты облыс экономикасы үшін өте маңызды. Құрылыс жұмыстарына әрі сапасына аса мән беріңіздер, - деді облыс әкімі Қ.Көшербаев.
Зауыт толықтай іске қосылған кезде 200 жаңа жұмыс орны ашылатын болады. Құрылысы ағымдағы жылдың сәуір айында басталып, 2017 жылдың қазан айында толықтай аяқтау көзделіп отыр.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
