Экономика
Қоғам
Қоғам
0
Қызылордада бірнеше пәтер тонаған ұрылар қолға түсті
Қызылордалық полицейлер Оңтүстік Қазақстан облысы Ішкі істер департаментінің қызметкерлерімен біріге отырып бірнеше мәрте пәтерлерді тонап, бой тасалап жүрген Шымкент қаласының 1981 жылы туылған тұрғынын ұстады. Қызылорда облыстық ішкі істер департаменті баспасөз қызметінің хабарлауынша, күдікті азамат Б.Н. өзінің сыбайластарымен алдын ала сөз байласып, 2015 жылдың 3 сәуірі күні Қызылорда қаласындағы бір пәтер есігінің кілтін іріктеу арқылы ашып кіріп, 1 000 АҚШ долларын, 780 000 теңге көлеміндегі ақшасын және бірнеше дана бриллиант пен алтын бұйымдарын ұрлап кеткен. Нәтижесінде, жәбірленушіге 3 950 000 теңге және 1 000 АҚШ доллары көлемінде мүліктік шығын келтірген.
Осындай тәсілмен тағы да 6 пәтер ұрлығы қылмысын жасағандары анықталды. Бүгінгі таңда сезікті азамат Б.Н.-ның бас шарасы қамауға алынып, ҚР ҚК 188-бабының 4-бөлігімен қылмыстық іс қозғалып, тергеу амалдары жүргізілуде.Тергеу барысында анықталғандай, сезікті азамат Б.Н.-ның бір сыбайласы 1982 жылы туылған Қызылорда қаласының тұрғыны ұсталып, Шымкент қаласында абақтыға жабылып, бас шарасы қамауға алынды.
Сезіктілердің басқа да қылмыстарға қатыстылығын анықтау мақсатында жедел-тергеу жұмыстары жүргізілді. Нәтижесінде жоғарыда аталған екі азаматтың, тағы екі сыбайласының қатысуымен Шымкент қаласында да бірнеше пәтер ұрлықтары орын алғандығы анықталды.
Тағы да оқыңыздар:
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
