Экономика
Қоғам
Қоғам
0
Қазалының ҰБТ-да көрсеткіші жоғарылады
Қазалы ауданынан мектеп қабырғасынан түлеп ұшқан түлектер он бір жыл бойғы алған білімдерін сынайтын Ұлттық Бірыңғай Тестілеуде өз бақтарын сынады. Түлектерге сәттілік тілеген аудан әкімінің орынбасары Сұлтан Мақашов ұлттық сынаққа шын дайындалған, білімді оқушылардың жолы болатындығын атап өтті. Биылғы тестілеудің басты ерекшелігі, тәртіп күшейтіліп бейнебақылаулар, металл іздегіш қондырғылар орнатылған.
Оқушыларға тест тапсырмаларын орындауға үш жарым сағат уақыт бөлінді. Ата-аналар болса, мектеп ауласында орналасқан экраннан балаларының тест сынағын тапсыру сәтін көріп отырды. Аудан орталығы Әйтеке би кентіндегі №249 мектеп-лицейде ұйымдастырылған ұлттық сынаққа Қазалы ауданының мектептерінен 756 оқушы бітіріп, 466-ы /61,6 пайызы/ ҰБТ тапсыруға тілек білдірген болатын.
Қорыта келгенде Қазалы ауданы бойынша ҰБТ көрсеткіші былтыр /2014 ж./ 75,2 пайыз болса, биыл /2015 ж./ 82,2 пайыз болды. Әзірге Қызылорда облысы бойынша ІІ орында Қазалы ауданы. «Алтын белгіге» үміткер 24 оқушының 21-і және 4 оқушы «Үздік аттестатқа» өз білімдерін қорғап шықты. Ең жоғарғы 119 балл жинаған №249 мектеп-лицей оқушысы Едіге Әлихан, №94 орта мектептен Байтуған Алтынай «Алтын белгі» иегері болды.
Тағы да оқыңыздар:
-
Қоғам
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
