Аралдық жас кәсіпкер қайтарымсыз грант алды

Инновациялық жобаларың жүзеге асуы аясында ауданымызда жаңадан 3 жұмыс орны ашылатын болады. Шынахметов Рахымжан Қызылорда облысының Кәсіпкерлер палатасының Арал ауданындағы филиалынан келіп грантқа қатысу тәртібі мен талаптары бойынша бірнеше мәрте келіп өз жобасы бойынша кеңестер алған. Қазіргі таңда өндіріс орнын әзірлеу үстінде. Еске сала кетсек, ағымдағы жылдың наурыз айында Қызылорда облысының Кәсіпкерлік және туризм басқармасы «Бизнестің жол картасы 2020» бағдарламасы аясында қайтарымсыз грант алуға конкурс жариялаған болатын. Гранттық қаражат - бастауыш кәсіпкерлерге инновация бағытында ерекшеленетін және жаңашыл жобаларға қайтарымсыз негізде және кепілзатсыз беріледі. Өз жобасын конкурсқа ұсынуға талаптанған әрбір кәсіпкер ақысыз негізде өткізілетін «Бизнес-Кеңесші» оқыту жобасынан өтуі тиіс. Сонымен қатар, бастауыш кәсіпкердің жобаны жүзеге асыруға, оның толық құнының 10 пайыздық өз үлесі болуы шарт.