Facebook WhatsApp Instagram

Қоғам

0

Сақшылар «Қауіпсіз жол» шарасын өткізді

Сақшылар «Қауіпсіз жол» шарасын өткізді Ағымдағы жылдың маусым айының 19-22 күндері аралығында облыс көлемінде көлік жолдарындағы тәртіпті күшейту, жолдағы қауіпсіздікті қамтамасыз ете отырып жол-көлік оқиғаларының алдын алуға бағытталған «Қауіпсіз жол» профилактикалық іс-шарасы өткізілді. Бұл жайында облыстық ішкі істер департаменті баспасөз қызметі хабарлады. 
«Қауіпсіз жол» жедел алдын алу шарасы аясында жол-көлік оқиғаларының артуына септігін тигізетін жол қозғалысы ережелерін өрескел бұзу жағдайларын анықтауға және жолын кесуге бағытталған бірқатар рейдтік және алдын алу шараларын өткізу жоспарланған болатын. 
Жүргізілген рейдтік жұмыстардың 3 күнінде көлік жүргізушілерімен орын алған 1475 әкімшілік құқық бұзушылық тіркелсе, оның 31-і – көлік құралын мас күйінде басқару дерегі бойынша, 271-і – көлiк құралын басқару кезiнде жүргiзушiнiң телефонды не радиостанцияны пайдалану дерегі бойынша, 197-сі – көлiк жүргiзушiлерінiң белгiленген  жүру жылдамдығын арттыру дерегі бойынша, 386-і – қауіпсіздік белдігін тақпай көлік басқару дерегі бойынша заң бұзушылықтар анықталған. Сонымен қатар, қоғамдық көлік жүргізушілерімен 103 құқық бұзушылықтар орын алған. Аталған деректер бойынша тиісті әкімшілік шаралар көрілді.
 
Пікір қалдыру

Сіз робот еместігіңізді растаңыз - [] *: