Экономика
Қоғам
Қоғам
0
Әулиелер мекеніне баратын автокөлік жолы жөнделді
Жаңақорған ауданында қайта жаңғыртудан өткен «Әбдіғаппар- Төлегатай-Хорасан ата» автомобиль жолы салтанатты түрде қайта пайдалануға берілді. Салтанатты шараға Ақтөбе облысының әкімі, жерлесіміз Бердібек Сапарбаев пен Қызылорда облысының әкімі Қырымбек Елеуұлы және «СК-Фармация» ЖШС Басқарма төрағасы Нұржан Әлібаев қатысып, көпшілікті құттықтады. Ал 92 жастағы Ұлы Отан соғысының ардагері М.Сапарбаев «Әбдіғаппар- Төлегатай- Хорасан ата» автомобиль жолын қайта жаңғыртып осынау келешекке ғибрат болар істі бастап, аяғына дейін жеткізгені үшін облыс басшысына алғысын білдіріп, бабалар рухы қолдап, қорғап алға қойған мақсатыңыз асқаралы істерге себеп болсын деп ақ батасын берді.
Мұнан кейін келген қонақтарға аудан әкімі Р.Рүстемұлының бастамасымен және елімізге танымал режиссер, жерлесіміз Қалила Омаровтың жетекшілік етуімен түсірілген «Туған жерге тағзым» атты деректіфильмнен үзінді көрсетіліп, кейін «Хорасан ата» кешенінде кезекті рет ағаш отырғызу рәсімі өтті.
Айта кетейік, халық әулие бабаларға тағзым жасау үшін жолдың машақатын сезінбеу керектігі әуелден ескерілген. Сол себептен Жаңақорған ауданында 15 шақырымдық жол салу қолға алынған болатын. Оны облыс әкімі Қырымбек Көшербаев өзі бас болып шешіп беріп, облыс бюджетінен 99,4 млн қаржы бөлінген.
Тағы да оқыңыздар:
-
Қоғам
Соңғы жаңалықтар
Copyright © 2020 «Сейхун-инфо.кз» ақпарат агенттігі. Басылым бетіндегі материалдарды пайдаланған жағдайда сілтеме жасалуы міндетті. Барлық құқықтар қорғалған.
Сайт жобасын дайындаған «ToWeb.kz» компаниясы. Сайтқа тапсырыс беру.
Ақпараттық өнім +18 жасқа толған және жасы одан жоғары адамдарға арналған.
Мәтінде қате таптыңыз ба?
Таңдап, оны белгілеп Ctrl + Enter басыңыз.
Таңдап, оны белгілеп Ctrl + Enter басыңыз.
