ҚЫЗЫЛОРДА ҚАЛАСЫНЫҢ ИНЖЕНЕРЛІК КОММУНИКАЦИЯЛЫҚ ИНФРАҚҰРЫЛЫМЫ ДАМЫТЫЛАДЫ

Қызылорда қаласының әкімі Н. Нәлібаев қала тұрғындары алдындағы есепті кездесуінде «Еуропалық қайта құру және даму банкімен облыс әкімдігі арасында Қызылорда қаласының инфрақұрылымын дамытуға негізделген несиелік келісімдерге қол қойылды. Келісімдер бойынша Қызылорда қаласының электр, жылу және су желілерін, көшелерді жарықтандыру жүйесін қайта жаңғырту жобалары аясында, облыс бойынша 63 млрд. теңгеден астам қаржыны құрайтын 8 жоба жүзеге асырылады.Электрмен қамту саласы бойынша 10 жобалық-сметалық құжаттарды әзірлеуге және бір жобаны іске асыруға облыстық бюджеттен 431 млн. теңге бөлінді» деді.